Karun Bayan Mein Kis Tarha,
Tujhe Khoya Hai Mene Kuch Is Tarha,
Andheri Raat Mein Jese Thi Koi Roshni,
Aur Mene Kho Di Ho Roshni Wo Jis Tarha,
Tabhi to Bina Boriya Bistra,
Mein Tb Se Le K Ab Tak, Bhatak Raha Hun,
Mein Thak Raha Hun, Mera Sabar Dekh,
Ab Tk Teri Rahein Mein Tk Raha Hun,
Beshak Mara Hun Mein Jeetay Jee,
Ye Zindagi Kese Ab Beetay Gi,
Mujhe La Do, Pila Do, Koi Esi Dawa Do,
Dard Hojaye Khatam Jisey Peetay Hi,
Teri Yaadein Mujhe Tarpati Hein,
Raaton Ko Mujhe Ye Jagati Hein,
Tere Bin Meri Zindagi Adhoori Hai,
Baar Baar Ye Ehsas Dilati Hein,
Bohat Satati Hein, Mein Ab Kya Karun,
Kuch Karun Bhi K Kuch Na Karun??
In Zakhmon K Sath Mujhe Ajaye Jeena
Rab Se Ilteja Karun Aur Ye Dua Karun
Mana K Dard Hai Mere Seenay Mein,
Hoti Chamak Jese Ik Nageenay Mein,
Mene Kar Li Is Dard Se Dosti,
Aur Hogai Aadat Mujhe Esay Jeenay Mein Ab To!