Samyo ng hangin sa ’ting mga mukha
Pinong buhangin sa ’ting mga paa
Paglubog ng araw sa ‘yong mga mata
Pagdampi ng labi nating dalawa

Nananaginip nanaman ako nang gising
Nananatiling kahibangan at pagkalasing
Magbalik ka na sa aking piling

[Chorus] Aawit sa saliw ng alon ng karagatan
Aawit sa tinig na dinig sa buong pampang
Pag ibig sa tubig alat sumisingaw paakyat sa mga ulap
Handa 'kong hintayin ang ulan basta't kasama ka

May tumutugtog na namang musika
Naririnig ko tuwing naiisip ka
Napapangiti kahit nag-iisa
Bumalik ka na aking sinta

[Chorus]

Naging paraiso ang buong isla
Mula nang dito kita'y nakilala
Nakaramdam ng hiwaga
Sa pag-ibig biglang tiwala

Tuluyan ko nang nalimutan
Mula pa nung nanghinayang
Sakit na dulot ng hiwalayang
Saksi ang karagatan

Paulit ulit kong lalakarin
Daanang pinong buhangin
Habang tanging iisipin
Babalik ka rin
Babalik ka rin, hoh

Pag ibig sa tubig alat sumisingaw paakyat sa mga ulap
Handa 'kong hintayin ang ulan basta't kasama ka